Официальный сайт Всебурятской газеты "Толон"
Энхэргэн һайхан эхэнүүднай
- Информация о материале
- Автор: SuperUser
- Категория: Ниигэм
- Просмотров: 9
Дулаахан уулзалгын агшан зуура тогтоожо, арбан жэлэй саана буулгаһан фото-зураг дээрэ Шулуутайн 75 ба 85 наһа гүйсэһэн эгэшэнэр, эжынэр ямбалуулжа байна. Энэ жэшээгээр хүн бүхэмнай ойн баяртань, түрэһэн үдэртэньшье, хабарай урихан сагта тэмдэглэгдэдэг эхэнэр зоной һайндэртэшье эхэеэ һайханаар дурсажа, үри хүүгэдтээ эжы тухайгаа хөөрэжэ, хүндэлжэ ябаһайбди.
Һайндэрөөр, хүндэтэ эжынэр, эгэшэнэр, бэреэд, басагад!
Долгор РАДНАБАЗАРОВА.
Шэдитэ ороноор аяншалга
- Информация о материале
- Автор: Валентина ЦЫРЕНЖАПОВА.
- Категория: Хизаар ороноо шэнжэлэлгэ
- Просмотров: 129
(Үргэлжэлэл. Эхиниинь 45-47-дохи, 49-50-дахи, 2024 оной 3-7-дохи дугаарнуудта).
Гандан дасанда
Сентябриин 16-ай үглөөгүүр Һаса хотоһоо хойшоо 90 модо зайда, Вангбур хадада нэмжыһэн Гандан дасан ошобобди. Энэ дасан далайн нюрууһаа 4300 метр үндэртэ байна. Хэдэн үеын хугасаада хэмжүүрээрээ хото шэнги ехэ болошоһон дасан һүрөөтэй даа.
Харгынь һайн, жэгдэ. Автобус хада өөдэ жүдхэжэ мэдэнэ. Дасанай дэргэһээ оршон тойронхи байһан үзэсхэлэн һайхан байгаали һайхашаахаар. Томо хадануудай хоорондо нэмжыһэн тосхонуудай байшанууд харагданашьегүй.
Эльгэнэйнгээ эгшэтэр…
- Информация о материале
- Автор: Оюна БАЗАРОВА.
- Категория: Шог зугаа
- Просмотров: 92
Энеэдэн хүнэй наһа утадхадаг тухай олондо мэдээжэ. Үдэр бүхэнэй сүлөөгүй һалираан, һабандаан соо элдэб уршагта ябадалнууд бидэниие тойроод ушаржал байдаг. Үндэр наһатай үбгэд хүгшэдшье байг, залуу хүбүүд басагадшье байг, гүлмэр бишыхан хүүгэдшье байг – хэн нэгэн хошон зугаа гаргажа, энеэдэтэй, шог ёгто ушарнууд манай ажабайдалда саг үргэлжэ тохёолдожол байдаг. Тиимэһээ дугаарайнгаа энэ нюурта «Толонойнгоо» тоомгүйхэн Тэрхүүдэйе» дахяад дурадхажа, ажабайдалһаа һабагшатай хүхюун хөөрөөнүүдые богонихон үгүүлэлнүүдтэйгээр толилхомнай.
Профессионал своего дела
- Информация о материале
- Автор: Валентина ЦЫРЕНЖАПОВА.
- Категория: Улаалзай
- Просмотров: 70
С прошлого года на сцены п.Агинское стал выходить ансамбль «Агын аялга» под руководством Баатра Вячеславовича Лиджи-Гаряева. Баатр Лиджи-Гаряев работает главным дирижёром в театре песни и танца «Амар сайн». Кроме того, после работы преподаёт ребятам в Агинском Доме детского творчества морин-хур.
В 2015 году за вклад в развитие народного творчества Баатр Вячеславович награждён премией Правительства России «Душа России».
«Үдэрэй һанаан, һүниин зүүдэн болохо ёһотой»
- Информация о материале
- Автор: Бабасан ЦЫРЕНОВ, Бүгэдэ буряадай үндэһэн соёлой эблэлэй юрэнхылэгшын уялга саг зуура дүүргэгшэ.
- Категория: Улаалзай
- Просмотров: 87
● «Бүгэдэ буряадай үндэһэн соёлой эблэл» гэһэн можонууд хоорондын ниитэ хүдэлөөнэй 2016 оной июлиин 1-һээ 2024 оной январь хүрэтэрхи ажаябуулгын ТООСООН
Бүгэдэ буряадай үндэһэн соёлой эблэлэй мүнөө үедэ ажалаа түгэсхэжэ байһан зүблэл 2016 оной июниин 30-да үнгэрэгшэ 6-дахи Ехэ хуралай үедэ һунгагдаһан байна. Тэдэнэй тоодо 37 хүн ороо һэн, харин үе сагай ябаха тума соонь үсөөржэ захалба: гэшүүдэй холо ойрын нютагуудаар нүүн ябахын хажуугаар 2018 ондо нэгэдүгээр дид-юрэнхылэгшэ, профессор Э.Дагбаев, 2020 ондо И.М.Егоров юрэнхылэгшэмнай, 2021 ондо зүблэлэй гэшүүн, Арадай Хуралай һунгамал З.Цыбигмитов гурбан хүндэ үбшэндэ дайрагдажа, наһа бараба. Эдэ гурбанай мүнхэ дурасхаал манай зүрхэ сэдьхэлдэ хэтэдээ үлэхэ.
Тэрэл хуралай үедэ 5 хүнһөө бүридэһэн хиналта-шалгалтын хороон һунгагдаба.
Манай зүблэлэй хүдэлхэ сагта гүрэн түрэдэмнайшье, хүн зоной байдалдашье хүндэхэн ушар тохёолдожо, ехэхэн һаад үзүүлбэ. 2020-2021 онуудта хамшаг үбшэн дэлгэржэ, юушье хүүлээгүй шахуу. Тиибэ-яабашье хүдэлөөнэй зүблэл болон Президиум иимэ ажал ябуулаа гэжэ тоосоё.
Улас түрын бюджедһээ ниигэмэй-соёлой түлэблэл болон программануудые бэелүүлхэ, буряад хэлэнэй нэрэ хүндэ дээшэнь үргэхэ зорилготой грантнуудай мүнгэн һомологдоо. Тэрэ тоодо:
Буряадай агууехэ уран зохёолшо Д.Батожабайн түрэһөөр 95 жэлэй ойдо зорюулагдаһан «Минии уг гарбал» гэһэн улас түрын хэмжээнэй интернет-мүрысөөн эмхидхэгдээ. Түлэблэлэй автор – Намжилма Бальжинимаева. Энэ мүрысөөндэ 95 хүүгэд хабаадалсаа, тэдэнэй тоодо Кембридждэ, Монголдо, Москвада ажаһуудаг үхибүүдшье оролсоо.
«Буряад залуушуулай ерээдүйн Форсайт-сесси», түлэблэлэй автор – Бүгэдэ буряадай үндэһэн соёлой эблэлэй дид-юрэнхылэгшэ Э.Дагбаев. Тэрэ сагһаа үргэлжэлэлынь боложо, хэдэн иимэ Форсайт-сессинүүд үнгэргэгдэжэ байһаар. Жэшээлэн хэлэбэл, «Байгалай долгинууд» гэһэн лагерьта 2017 ондо болоһон сессидэ 230 хүн хабаадалсаа, тэдэнэй тоодо Дархан хотоһоо 5 хүн.
2017 оной сентябриин 17-до «Найдал» гэһэн жасын зууршалалгаар «Хэдбибди, буряад-монголшууд?» гэһэн хуралдаанай маягтай «Дүхэриг шэрээ» үнгэргэгдөө.
(Үргэлжэлэлынь 8-дахи дугаарта уншахада болохо).
Бабасан ЦЫРЕНОВ,
Бүгэдэ буряадай үндэһэн соёлой эблэлэй юрэнхылэгшын уялга саг зуура дүүргэгшэ.
Страница 2 из 194