Тэрэ зорюута уран урлалай һургуулида һураагүй, түрэхын талаан бэлигтэй байшоо. Энээнһээ урагша Андони наймаагай газар нээжэ, фрукт худалдажа, мүнгэ олзолдог һэн. Теэд нэгэтэ 2010 оной зун басагадтаяа пляж амархаяа ошоһон аад, тэдэнэйнгээ элһээр дархалһан бүтээлдэнь хамһалсахадаа, иимэ урлалда бэлиг шадабаритай, андагаар байһанаа мэдэрһэн ха. Тэрэ сагһаа олон тоото скульптурануудые бүтээжэ, сэдьхэлээ ханааһан.
Нэгэ бүтээл хэхын тула Андони Бастаррика 500-һаа 1500 хүрэтэр килограмм элһэ хэрэглэдэг, мүн ямаршье зэр зэмсэг абадаггүй, улаан гараараа 6-12 сагай туршада урладаг байна.
«Элһээр хүдэлхэ гээшэ хүндэ хүшэр ажал юм. Угайдхадаа, шанар муутай элһээр бүтээл хэнэб. Тиимэһээ үндэр скульптурануудые бариха аргагүйб. Тиибэшье элһэн гээшэ залууршан, багшамни мэтэ намайе олон юумэндэ һургаа: «биб» гэһэн бэерхүү зан дараха, хойшолонииень ойлгохо, бүхы юумэнэй урда дан түргөөр гараха хүсэл эрмэлзэл бууруулха, элдэб юумэ тэнсүүлэн, гүнзэгыгөөр бодомжолхо, хэрэгтэ хэрэггүй бодолнуудһаа сүлөөрхэ, энэ тэрэ юумэндэ тэсэмгэйгээр хандаха арга үгөө», - гэжэ уран гартан хэлэһэн байдаг.
Ябан ошон эдэ бүтээлнүүдынь һалхинһаа бутаржа унадаг, үгы гэбэл авторынь ниитын газар сүлөөлжэ, өөрөө эбдэдэг.
«Эдэ бүхэ бэшэ, мүлшэ бүтээлнүүдэй һандаргагдахань энэ дэлхэй дээрэ бүхы юумэнэй, хүн болон амитадайшье мүнхэ бэшэ байһые һүлдэлнэ. Урлалаараа хүн зоной анхарал гоё һайханда хандуулжа һонирхуулха, гайхуулха ба эрхэ сүлөө харуулха зорилготойб. Мүнөө мүнөөл уран урлалда, гоё һайханда анхаралаа табижа, юрын ажабайдалда амгалан тайбан, жаргалтай ажаһууха хэрэгтэйл даа», - гэжэ тэрэ тэмдэглэнэ.
Элһээр бүтээдэг уран барималша
- Информация о материале
- Автор: SuperUser
- Категория: Рубрика
- Просмотров: 147
