Үгын бодото удхые сэхэ удха (прямое значение слова) гэнэ, жэшээнь, зөөлэн газар (мягкое место). Үгын гол удха ондоо юумэнэй шанар, шэнжэ, тэмдэг болгожо хэрэглэхые шэлжэһэн удхатай үгэ (переносное значение слова) гэдэг: жэшээнь, зөөлэн хараса (нежный или ласковый взгляд).
   Хэлэ бэшэгэй эрдэмүүдэй кандидат, Эрхүүгэй гүрэнэй дээдэ һургуулиин буряад хэлэ бэшэгэй кафедрын доцент В.И.Семёновагай зохёоһон «Мүнөөнэй буряад хэлэн. Лексикологи» һуралсалай пособидо хандажа, ондоогоор ойлгуулая: үгын анханай удха сэхэ удхань болоно, харин тэрээнһээ үндэһэлжэ бии болоһон нэмэри удхань шэлжэһэн удха болоно. Жэшээлхэдэ, «нюдэн» гэжэ үгын сэхэ удхань – юумэ харалгын (зрительный) орган. Зүгөөр шэлжэһэн удхыень дэлгэрүүлхын тула нюдэнэй зарим шэнжэнүүд хэрэглэгдэнэ: ямар нэгэн юумэнэй хойноһоо харууһалхын, адуулхын, адаглахын тула нюдэн хэрэгтэй. Эндэһээ шэлжэһэн удха шанарынь гарана. Жэшээнь: үхибүүдэй хойноһоо нюдэн лэ хэрэгтэй.

   Дэлгэрэнгыгээр «Толон» һониной 26-дахи дугаарта уншагты.

You have no rights to post comments