Сагаалганаар золголсоно. Бато ЖАМБАЛОВАЙ фото-зураг.

   Агын найман эсэгын угуудай «Юндэн Шодон» субаргын дэргэдэ заншалта хубсаһаараа ерэһэн арад түмэн алда хадагаараа бэе бэеэ золгожо, буужа гараһан жэлнай амгалан тайбан, зол жаргалтай, адуу малнай тобир тарган, үргэн таламнай баян ургасатай байг лэ гэжэ үреэгээд, орон нютагаа, элинсэгүүдээ хүндэлжэ, һү сайгаа, сагаан эдеэгээ үргэжэ гороолбо. 

Һайндэрэй эхин. Дулдарга һуурин.  

Хара уһан Туулайн ехэ бүлэ мүнөө жэлэй эзэн –хүхэ модон Луу жэлдэ дамжуулгын тэмдэг болгон, хадаг барюулба. Базар РАЛЬДИНАЙ фото-зурагууд. 

 

 

   Хүхэ модон Луу жэл өөрынгөө эрхэдэ оробо. Энэ үдэрһөө үбэлэй хүйтэн тогтожо, сагай уларил урин боложо, байгаали нойрһоо һэрижэ эхилдэг юм. 

   Һайндэр Алхана уулын бооридо Саханай хада түшэгтэй Дулдарга һууринда үргэлжэлөө. «Сагаалган Россида Үбэр Байгалһаа эхилнэ» гэһэн сэдэбээр буряад арадай эгээ һайхан, удаан хүлеэгдэдэг һайндэр тэмдэглэгдээ юм.

   Хүндэтэ нютагаархид, Сагаан һараар, Сагаалганаар!

   Нордоп БАБУЕВА.

You have no rights to post comments