«Модернизация первичного звена здравоохранения» гэhэн региональна программаар Үбэр Байгалай хизаар арбан авто-унаатай болобо. Нэгэ авто-унаа Агын тойрогой больницада үгтөө. 

Шэтын аймагай больница зургаан авто-унаагаар хангагдаа, Краснокаменск хотын хизаарай 4-дэхи больница гурбан авто-унаатай болоо юм. Шэнэ авто-унаанууд эмнэлгын туhаламжа үзүүлэлгын шанар улам hайжаруулха болоно.
Тус программа 2025 он болотор бэелүүлэгдэхэ гэжэ hануулая. Энэ программын хэмжээндэ эмнэлгын ажалтадаар дутагдал усадхаха, авто-унаануудые hэлгэхэ, эмнэлгын түхеэрэлтэнүүдые худалдан абаха, шэнэ объектнүүдые бариха, эмнэлгын эмхинүүдые заhабарилха г.м. түсэбүүд табяатай. Үбэр Байгалай хизаарта 243 эмнэлгын авто-унаа абтахаар хараалагдана.

You have no rights to post comments