Шэтэ хотын, Үбэр Байгалай хизаарай аймагуудай наймаануудаар Жалсабоной эмхиин үйлэдбэриин эдеэ хоолой дэлгээгээтэй байһые анхархаар байдаг. Үмсын хэрэг эрхилэгшэ Туяна Жалсабон 2015 ондо хизаарай ниислэл хотодо «Бурятские полуфабрикаты» гэһэн компани нээгээ. Туяна Самбоевна хотын дэлгүүртэ мяха наймаалжа, ажалай оньһотой танилсаһан. Мяханай шэглэлээр аралжаа наймаа ябуулха гэжэ шиидээд, цех нээжэ, ажаһуугшадһаа мяха абажа, үйлэдбэриеэ ябуулжа эхилээ. Арбаад хүнэй хүдэлхэ ажалай hууринуудые байгуулаа. Мяханай зүйлнүүдые буйлуулдаг шэнэ түхеэрэлтэнүүдые худалдажа абаад, бууза, банша, котлетэ г.м. эдеэ хоол наймаалжа эхилээ бшуу.
Мүнөө «ИП Жалсабон Т.С.» нэрэнь хубилгагдажа, «Бурятские полуфабрикаты» гэжэ нэрлэгдэнхэй.
(Үргэлжэлэлынь 51-дэхи дугаарта уншахада болохо).
Эрдэни ЧИМИТДОРЖИЕВ.
