Танкын биатлондо дэлхэйн 11 можын сэрэгшэд хабаадажа, финалда Азербайджанай, Казахстанай, Хитадай, Россиин танкистнууд гараа. Росси гүрэниие Урда, Баруун, Зүүн зүгэй сэрэгэй тойрогуудай сэрэгшэд түлөөлөө. Зүүн зүгэй сэрэгэй тойрогой танкистнууд мүрысөөнэй һүүлшын хубида хабаадаа бшуу. Тус экипажай бүридэлдэ танкын командир, старшина Александр Намсараев (Урта), оператор-наводчик Дашинима Галданов (Гүнэй), механик-жолоошон Виктор Хишектуев (Хяагта) гэгшэд дэлхэйн абарганууд болоо. Россиин танкистнууд 1 саг 36 минута 49 секунда харуулаа. Хоёрдохи һуури эзэлһэн Хитадай сэрэгшэд аяар 10 минутаар гартаһан байна.
Э.ДОРЖИЕВ.
