Фестивалиин хүндэтэй айлшадай ба жюриин гэшүүдэй тоодо Москва хотоhоо бууhан «Буряадай арадай уран шүлэгшэн» гэһэн нэрэ солотой, Россиин Уран зохёолшодой холбооной түлөөлэгшэ Андрей Румянцев, элитэ дуунуудай үгэнүүдэй автор Виктор Пеленягрэ түрүүтэй Үбэр Байгалай хизаарай ба Эрхүүгэй можын түлөөлэгшэд хабаадаhан байна. Монголой уран шүлэгшэд Болдын Батхуу ба Энх-Уянгаа хилын хаалтатай ушараар ерэжэ шадаагүй.

   Түрүүшын үдэр Буряадай үндэhэтэнэй номой сангай хүгжэмэй ба уран зохёолой таhагта экофестиваль нээлгэ болоhон байна. Тэрэнэй хэмжээндэ уран шүлэгэй, бардовска дуунай ба оршуулгын урлалай мүрысөөнүүд үнгэргэгдѳѳ hэн.

   Фестивалиин хоёрдохи үдэр Байгал далайн эрьедэ баярта найр наадануудаар үргэлжэлөө.

   Саашадаа хабаадагшад Россиин Герой Алдар Цыденжаповай хүшөөдэ баглаа сэсэгүүдые табижа, эдир баатарай мүнхэ дурасхаал хүндэлөө. Удаань хабаадагшад Ивалгын дасан бараалхажа, Этигэлэй хамба ламада мүргөө юм.

   Зохёохы урилдаануудай дүнгүүдые тодорхойлоё.

  Уран оршуулга: 1-дэхи hуури - Цындыма Бабуева (Буряад орон); 2-дохи hуури – Нина Артугаева (Буряад орон); 3-дахи hуури – Александр Журавский (Эрхүүгэй можо).

   Бардовска дуун: 1-дэхи hуури – Евгений Нимаев (Yбэр Байгалай хизаар); 2дохи hуури – Вера Шобосоева ба Артур Аветисян (хоюулаа - Буряад орон) хоёр хубаалдаба; 3-дахи hуури – Цыцык Дамбаева (Yбэр Байгалай хизаар).

   Уран шүлэг: 1 дэхи hуури – Санжай-Ханда Дармаева (Буряад орон); 2-дохи hуури – Элбэг Зандраев (Yбэр Байгалай хизаар); 3-дахи hуури - Дугарма Батоболотова (Yбэр Байгалай хизаар).

   Баярма БАТОРОВА.

You have no rights to post comments