Хүшөө Түүхын музейн дэбисхэр дээрэ бодхоогдоо юм. Иимэ бюст бодхоохо үүсхэл эдэбхитэн Батор Тумунов гаргаhан байна. Шудхалгын ажалнуудыень «Лотос» бүлгэмэй уран барималша Болот Цыжипов хээ. Агын тойрогhоо гараhан, мүнөө Буряад орондо ажаhуудаг агынхид хабаадаа, туhалалсаа.
2020 ондо Пётр Бадмаевта зорюулагдаhан түрүүшын хүшөө Гомбожаб Цыбиковэй нэрэмжэтэ Агын үндэhэтэнэй музейн дэбисхэр дээрэ Болот Цыжиповэй түлэблэлөөр бодхоогдоhон гээшэ.
Пётр Александрович Бадмаев (1851-1920) - түбэд эмшэн, «Чшуд-Ши» зохёол ород хэлэн дээрэ оршуулагша, III Александр хаанай хэрээhэ зүүлгэhэн хүбүүн, II Николай хаанай гэр бүлын эмшэн байhан. Ород яhанай Надежда Рябининатай гэр бүлэ зохёожо, Санкт-Петербургда түбэд эмнэлгын аптекэ нээhэн. 1893-1897 онуудта Шэтэ хотодо «П.А.Бадмаев и КО» гэhэн худалдаа наймаанай гэр байгуулһан, «Жизнь на восточной окраине» гэhэн газетэ ород ба монгол хэлэнүүд дээрэ хэблүүлжэ эхилhэн.
1917 оной февралиин хубисхалай hүүлээр Пётр Бадмаев сүлүүлhэн байна. 1919-1920 онуудта Чесменскэ лагерьта ба Петроградай шорондо hууhан. 1920 оной июль hарада наhа баража, августын 1-дэ Петроградай Шуваловска хүүртэ хүдөөлүүлэгдэhэн юм.
В.ЦЫРЕНЖАПОВА.
