Тус финалда «Агинская баранина на камнях – Хорхог» гэhэн түлэблэл «Лучшее событие в области гастрономического туризма» янзада илаа, үндэhэтэнэй шанда хүртөө.
«Октябриин 3-да эмхидхэгдэhэн «Хорхогой наадан» фестивалиин түлэблэлтэй танилсуулаабди. Агын бренд болохо амтатай, шулуун дээрэ болгоһон хониной мяханhаа ама хүрэхыень дурадхаабди, айлшад, жюриин гэшүүд мяха hайшаагаа. Үндэhэн буряад арадайнгаа хубсаhан, нүүдэл байдалтай арадайнгаа зан заршам тухай хөөрөөбди», - гэжэ «Кочевник» этнобазын эзэн Бато Цыренжаповтай суг конкурсдо хабаадаhан, Агын Буряадай тойрогой Захиргаанай түсэблэлгын ба шэнжэлэлгын таhагай дарга Баира Дашидымбрылова тэмдэглээ.
Энэ янзада Башкортостанай - «Новогодний конкурс самоваров», Курганай - «День сырка», Тюмениин - «Августовские спасы», Москва можоhоо «Сыр Пир Мир» гэхэ мэтэ, дүн хамта 49 регионhоо 208 түлэблэл дурадхагдаа.
Валентина ЦЫРЕНЖАПОВА.
