Үбэр Байгалай хизаарай урда зүгтэ оршодог «Горная степь» гэһэн заказнигай дэбисхэр дээрэ тарбагануудай эшээнһээ гарахые апрелиин 5-да фотоловушка тэмдэглэбэ гэжэ Сохондын заповеднигэй сайт мэдээсэнэ.
«Энэ жэл тарбаган орой эшээнһээ гараба, 2021 ондо мартын 19-дэ фотоловушкада абтаа һэн. Тарбаган гээшэ хабарай ерэһые тон һайнаар мэдэдэг амитан, тиимэһээ һаядаа дулаархань... Мүнөө эдэ амитадта хүшэр саг байна: һүниндөө хүйтэн, эдихэ хоолыньшье хомор. Ногоон гараадүй, газар гэдээдүй. Эдихэ хоолынь – ургамалай үндэһэн болон недондоной хагдан болоно», - гэжэ сайт дээрэ бэшээтэй.
Сохондын заповеднигэй хүдэлмэрилэгшэд жэл бүри тарбагануудые бүридхэдэг байна.
Дарима Базарова.
