Түймэрнүүдһээ боложо, Үбэр Байгалай хизаарта үлэмжэ ехээр бэлэн байха гурим тогтоогдоо.
Энээн тухай тогтоолдо амбан захирагша Александр Осипов гараа табиһан байна. Түймэрэй хойшолонгуудые һэргылхын тула хизаарай хүтэлбэриин зургаануудта болон аюулгүйе сахилгын һалбариинхидта үлэмжэ ехээр бэлэн байха гурим (режим повышенной готовности) апрелиин 16-һаа хүдэлжэ эхилээ.
Һануулан хэлэхэдэ, мартын 26-һаа Агын, Акшаагай, Александрово-Заводскойн, Бооржын, Дулдаргын, Забайкалиин, Калганай, Краснокаменскын, Хэрын, Могойтын, Нерчинско-Заводскойн, Оловяннын, Ононой, Үлеэтын, Шэтын аймагуудта, Приаргунай муниципальна тойрогто, Краснокаменск хотодо болон Ага тосхондо, харин апрелиин 1-һээ - Балейн, Газимуро-Заводой, Харымай, Улаан-Сүхын, Нэршүүгэй, Петровск-Забайкальскын, Сретенскын, Хёлгын, Чернышевскын, Шелопугинын, Шиилхын аймагуудта, Петровск-Забайкальский ба Шэтэ хотонуудта түймэр һэргылэлгын тусхай гурим (особый противопожарный режим) тогтоогдонхой.
Түймэр һэргылэлгын тусхай гуримай үедэ хагдан шатаажа болохогүй, халуун үнэһэ хаяхагүй, түүдэг носоохогүй. Түймэрэй аюулгүйе сахяагүйшүүлдэ хуулиин ёһоор яла хараалагдадаг: юрын эрхэтэдтэ - 5 мянган түхэриг хүрэтэр , тушаалта нюурнуудта - 50 мянган түхэриг хүрэтэр, эмхи зургаануудта 400 мянган түхэриг хүрэтэр яла тохогдохо. Иимэ ялын хажуугаар түймэр унтараалгын болон галай хойшолонгуудай бүхы гарша тусхай гурим эбдэгшэд дааха бшуу.
Түймэр обёорбол, энэ телефоноор: 8-800-100-94-00 хонходоходо болохо. Хонходохонь түлөөһэгүй.
Түймэр табигшад тухай мэдээсэһэн хүн 40-50 мянган түхэригэй мүнгэн шанда хүртэхэ.
Үбэр Байгалай хизаарай Засаг газарай пресс-албан.
