Апрелиин 19-дэ дулаасуулгын хаһада зорюулагдаһан зүблөөн тойрогой Захиргаан соо үнгэргэгдөө.

Хахад һара тухай саг үнгэржэ, дулаасуулгын хаһа түгэсэхэнь. Энэ хаһын дүүрэхэдэ, котельнинүүдые заһабарилгын хүдэлмэринүүд эхилхэ юм.

Ерэхэ зун заһабарилгын хүдэлмэринүүд үргэнөөр ябуулагдахаар түсэблэгдэнэ. Ага тосхоной «ДСУ-5» хотоной котельни һэльбэн шэнэлэгдэхэ. «Западный» хотондо шэнэ һургуули һаядаа баригдажа эхилхэ. Тэрэ байшаниие дулаагаар хангаха модульно котельни бариха шухала. Тосхоной түб котельниин дулаа үгэдэг түхеэрэлтэнүүдые шэнэлхээр болоо гэжэ мэргэжэлтэд тэмдэглээ.
Мүнөөдэрэй байдалаар, тойрог дотор 103 котельни ашаглагдана. Тэдэниие дулаагаар хангадаг 15 эмхи ажаллана. Дулаасуулгын хаһада 95 мянган тонно нүүрһэн ашаглагдана.
Апрелиин 20-ой байдалаар, тойрогой котельнинүүдээр 6536,5 тонно нүүрһэн хадагалаатай. Тэрэ шулуун нүүрһэн 25 сүүдхэдэ хүрэхөөр хараалагдана.

Э.ДОРЖИЕВ.

You have no rights to post comments