Совет засагай үедэ волейболоор Агын тойрогой комсомолой хорооной нэрэмжэтэ мүрысөөн эмхидхэгдэдэг байһан аад, сагай эрхээр үнгэргэгдэхэеэ болиһон юм. Сенатор Баир Жамсуевай Агын тойрогой Захиргаанай Толгойлогшо ябахада, тус мүрысөөн дахин һэргээгдэжэ, шэнээр эмхидхэгдэдэг болоо һэн. Тиин 2002 ондо мүрысөөн «Кубок Главы Администрации Агинского Бурятского автономного округа» гэжэ нэрлэгдэдэг байһанаа, «Кубок Администрации Агинского Бурятского округа» гэһэн нэрэ зэргэтэй болоо. Олон нютаг газарнуудһаа тамиршад сугларжа мүрысэдэг юм.
   Энэ удаа нааданда эрэшүүлэй 8, эхэнэрнүүдэй 11 можо мүрысөө. Эхэнэрнүүдэй хоорондо Буряад Уласай Ивалгын аймагай тамиршад Могойтын аймагай «Рассвет» можые финалда шүүжэ, илагшад болоо. Дулдаргын аймагай эхэнэрнүүд 3-дахи һуурида гараа. Эрэшүүлэй хоорондо Могойтын, Дулдаргын, Агын аймагуудай можонууд амжалта туйлажа, илалтын ендэр дээрэ гараа.

Эрдэни ЧИМИТДОРЖИЕВ.

You have no rights to post comments