Мүрысөөнэй дүнгүүдээр, залуу бүһэтэйшүүлэй хоорондо Хара-Шэбэрэй можо илаа, 2-дохи һуури уртынхид эзэлээ, 3-дахиие – тугшанайхид. Чимит-Цырен Болотов «Эрхим наадагша» болон Содбо Жигжитов «Эрхим хамгаалагша» (хоюулаа Хара-Шэбэрэй) гээд тодороо. «Эрхим добтологшо» – Даба Цынгуев, «Эрхимээр бүмбэгэ тогтоогшо» – Доржи Гомбоев (хоюулаа Уртын), «Эрхим наада эмхидхэгшэ» Содном Дармажапов (Тугшанай) болоо. Хара-Шэбэрэй Даба-Жалсан Болотов «Эрхим һоригшо» гээд шалгараа. Зоригто Цыренжапов «Эрхим шүүгшэ» болоо. 

   Залуу эхэнэрнүүдэй дунда Могойто тосхоной «Рассвет» можо түрүүлээ, 2-дохи һуурида Тугшанай можо гараа, 3-дахида – ушарбайнхид. Саяна Ринчинова «Эрхим наадагша», Сарюхан Жигмитова (хоюулаа «Рассвет» можын) «Эрхим добтологшо», Раджана Намсараева «Эрхим хамгаалагша», Туяна Базаргуруева (хоюулаа Тугшанай) «Эрхимээр наада эмхидхэгшэ», Сэндэма Балданова (Ушарбай) «Эрхимээр бүмбэгэ тогтоогшо» болоо. «Эрхим һоригшо» – Бальжинима Лхасаранов («Рассвет»). 

   Ветеран бүһэтэйшүүлэй дунда Ага тосхоной можо илаа, 2-дохи һуури хара-шэбэрэйхид эзэлээ, 3-дахиие – будаланайхид. 

   Ветеран эхэнэрнүүдэй хоорондо Һүдэнтын можо түрүүлээ, 2-дохи һуурида сагаан-шулуутайнхид гараа, 3-дахида – будаланайхид.

   Нютагуудай можонууд хоорондын мүрысөөнэй дүнгүүдээр, Һүдэнтын можо түрүү һуурида гараа, хара-шэбэрэйхид 2-дохи һуури эзэлээ, ушарбайнхид – 3-дахиие. 

   Нордоп БАБУЕВА. 

You have no rights to post comments