Тус мүрысөөн «СпортБЫСТ-РЫХ» гэһэн түлэблэлэй хэжээндэ үнгэргэгдөө. Эндэ 6 һургуулиин хамта 60 һурагшад хаатанха үмдөөд наадаа. Мүрысөөнэй дүнгөөр, В.Р.Гласкогой нэрэмжэтэ Могойтын 1-дэхи дунда һургуули түрүү һуури эзэлээ. 2-3-дахи һууринуудта Хилын ба Сагаан-Уулын дунда һургуулинууд гараа. Илагшад кубогаар, дипломуудаар ба медальнуудаар шагнагдаа.
   В.Р.Гласкогой нэрэмжэтэ Могойтын 1-дэхи дунда һургуулиин һурагша Очир Мункуев «Лучший игрок» боложо шалгараа. «Лучший вратарь» энэл һургуулиин Иван Кургузов болоо. «Лучший нападающий» – Хилын дунда һургуулиин Виктор Журавлёв, «Лучший защитник» – Сагаан-Уулын Бато Оборов, «Лучший бомбардир» В.Р.Гласкогой нэрэмжэтэ Могойтын 1-дэхи дунда һургуулиин Иван Эрыкзенов гэгшэд болоо.
   Илагшадые бэлдүүлһэн В.Р.Гласкогой нэрэмжэтэ Могойтын 1-дэхи дунда һургуулиин тамирай багша Аюши Дашидондоков шагнагдаа. Илагшад нютаг можын хэмжээндэ Шэтэ хотодо эмхидхэгдэхэ хоккейгээр мүрысөөндэ хабаадаха эрхэтэй болоо юм.
   Валентина ЦЫРЕНЖАПОВА.

You have no rights to post comments