Форум Юрэнхылэгшын грантнуудай жасын дэмжэлтээр эмхидхэгдэдэг. Тэндэ 12 гүрэнэй, Россиин Федерациин 58 субъектын, тэдэнэй тоодо Крым, Севастополь болон шэнэ нютаг можонуудай, 269 хотын, 564 хүдөө һууринай хүүгэд хабаадаа. Үбэр Байгалай хизаарай 62 хабаадагшадай 30-иинь Агын Буряадай тойрогойхид болоно.
Илагшадые нэрлэбэл, «Психология» секцидэ 1-дэхи шатын дипломдо Шулуутайн дунда һургуулиин 9-дэхи ангиин һурагша Билигма Пурбуева (хүтэлбэрилэгшэнь – Цыцык Доржиева) хүртөө.
«Технология будущего – своими руками» секцидэ Шандалиин дунда һургуулиин 10-дахи ангиин Бэлиг Санданжамсоев (хүтэлбэрилэгшэнь – Дамдинжаб Доржиев), «Транспортные машины, системы и оборудование» секцидэ Агын тойрогой гимназиин 10-дахи ангиин Аюша Готопов (хүтэлбэрилэгшэнь – Тимур Дондоков, Евгения Парыгина) гэгшэдтэ 2-дохи шатын дипломууд барюулагдаа.
Нордоп БАБУЕВА.
