Россиин Юрэнхылэгшэ Владимир Путин полковник Доржи Чимитовтэ Россиин Баатарай нэрэ зэргэ олгоо. Доржи Чимитовэй сэрэгэй уялга үнэн сэхээр дүүргэжэ, эрэлхэг зориг харуулһанайгаа түлөө үндэр нэрэ зэргэдэ хүртэһэндэнь омогорхомоор.
Полковник Доржи Чимитов тусхай албанай (спецназ) отрядтаяа тагнуулда гараад ябатараа, тоогоороо, зэбсэгээрээ булюу байһан дайсадай отолгодо орошоо. Байлдаанай үедэ полковник Чимитов шархатаад байһаншье һаа, сэрэгшэдээ хамгаалжа, дайсадһаа абаржа шадаа.
Офицер Доржи Шойнхорович Чимитов Дулдарга һууринда үндыһэн, Новосибирскын сэрэгэй дээдэ училищи дүүргэһэн. «Эрэлхэг зоригой түлөө» ба Александр Невскиин орденуудаар шагнагдаһан.
Россиин Баатарай нэрэ зэргэ олгогдоо
- Информация о материале
- Автор: Валентина ЦЫРЕНЖАПОВА.
- Категория: Һүүлэй һонин
- Просмотров: 238
