Хойто Кавказай ба бусад дайн байлдаануудта хабаадаhан үсөөн бэшэ эрхэтэд Агын тойрогто ажаhуудаг.

Дайнай дүлэтэ газарнуудаар ябаhан зоной ажабайдалай асуудалнуудые шиидхэхэ, hонирхол, эрхыень хамгаалха үүргэтэй «Боевое братство» гэhэн Бүхэроссиин ветерануудай ниитэ эмхиин хизаарай Агын таhаг ажалаа ябуулдаг гээшэ. Тус эмхиин түрүүлэгшээр дайнай ветеран, “Эрэлхэг зоригой түлөө” гэһэн орденой кавалер Батоцырен Болодонов хүдэлнэ. Эсэгэ ороноо хамгаалагшын үдэртэ зорюулжа, энэ эмхиин түрүүлэгшэтэй уулзаабди.

- Батоцырен Бабуевич, “Боевое братство” гэһэн ниитэ эмхиин ажал хэрэгүүд тушаа хөөрэжэ үгыт.

- Россиин нютаг бүхэндэ иимэ эмхи байгуулагданхай. Агын тойрогто Афганистанай дайнда ябаһан сэрэгшэдһээ бүридэһэн бүлгэм ажал ябуулдаг байһанаа, һүүлдэ орхигдоһон байгаа. Локальна дайн байлдаануудта ябаhан ветеранууд Ага тосхондо «Боевое братство» эмхиин ажал хэрэгүүдые дахинаа hэргээхэ ажал 2013 ондо ябуулһан байна. Чечен дайнай 2-дохи кампанида ябаhан Алексей Швецов түрүүлэгшээрнь дэбжүүлэгдээ hэн. Үнгэрэгшэ жэлдэ тус эмхи хүтэлхэ түрүүлэгшэгүй болоходонь, олоной дуугаар би дэбжүүлэгдэһэн байнаб. Минии дэбжүүлгые хизаарай эмхиин хүтэлбэри дэмжэhэн байха юм. Ага тосхоной захиргаанай толгойлогшо Батор Бадмажабэ ветерануудта туhа хүргэжэ, Комсомольская гудамжаар оршодог байшан соо таhалга үгөө.

 

Дэлгэрэнгыгээр 6-дахи дугаарта.

You have no rights to post comments