«Телевизорээр Россия-24 канал харагты, аба эжыдээ, бэридээ хонходооб», - гэжэ тон түрүүн Насак ахайнь телефоноор дуугараад болигожорхёо. Үдэшын найман сагта булта мэдэнхэй, бүхы нютагнай хүл дээрээ байгаа, хүл хөөрсэгэнөөн, бэе бэедээ бэшэлсээн, вайбераар фото-зураг эльгээлсээн болоо, булта хүхилдөө. Сагаан-Уула – Баатарнуудай нютаг гэжэ дэмы хэлсэдэггүй: Советскэ Союзай Баатар Базар Ринчино, Социалис Ажалай 4 Баатарнууд гараһан, мүнөө Дашибалнай Россиин Герой болобо», - гэжэ нютагай захиргаанай толгойлогшо Цырендоржи Намсараев хэлэнэ.
1990 оной Дашибал хүбүүн дунда һургуулияа мүнгэн медальтайгаар дүүргэһэн: һонор тархитай, номдоо тусгаар бэрхэ, тэрэ үедэ тойрог дотороо эрхим һурагшадай нэгэн, физикэ болон математикаар олимпиадануудта түрүү һууринуудые эзэлжэ ябаһан, математикаар ЕГЭ 88 баллаар тушаажа, аймаг дотороо тон һайн дүн харуулһан.
Долгор РАДНАБАЗАРОВА.
