Хожомынь I Николай хаанай зарлигаар энэ һайндэр хуулиин ёһоор тэмдэглэгдэдэг болоһон.

Волейболоор Агын багшанарай колледжын можо. Агын багшанарай колледжын архивай фото-зурагууд. Агын багшанарай колледжын архивай фото-зурагууд.
«Татьянын үдэр» Нангин Татьяна Крещенскаягай (үшөө Римская гэдэг) нэрэ хүндэдэ зорюулагдаһан юм. Юуб гэхэдэ, январиин 25-ай үдэр ехэнхидээ оюутадай сессиин дүүрэхэтэй тудадаг. Оюутад һуралсалдань туһа хүргэхые гуйжа, зула бадараажа ба Нангин Татьянада мүргэжэ байдаг шуу. МГУ-гай дэбисхэр дээрэ Нангин Татьянын сүмэ бии.
Оюутан хаһа – эгээ һайхан саг. Энэ хадаа конкурснууд, мүрысөөнүүд, илалтанууд болон амжалтанууд! Оюутад һуралсалай үедэ ерээдүйдөө хэрэгтэй дүй дүршэл абана, алишье талаар хүгжэнэ.
Базар Ринчиногой нэрэмжэтэ Агын багшанарай колледжын оюутад сагаа ашаг үрэтэйгөөр үнгэргэдэг юм. Мүнөө колледждо 431 оюутад «Преподавание в начальных классах», «Дошкольное образование», «Физическая культура», «Музыкальное образование», «Педагогика дополнительного образования», «Коррекционная педагогика в начальном образовании» болон «Информационные системы и программирование» гэһэн мэргэжэлдэ һурана.
Эрхимээр һурадаг, эрдэмэй-дүршэл абалгын хуралдаануудта, ниитэ хэмжээ ябуулгануудта, элдэб мүрысөөнүүдтэ хабаадажа, колледжынгоо, тойрогойнгоо нэрэ хүндэ хамгаалжа ябадаг оюутад олон.
Нордоп БАБУЕВА.
