Могойто тосхоной түмэр харгын станцида суута сэрэгэй техникэ шэрэһэн «Победа» ретро-поездые угталга үнгэргэгдөө. Станци дээрэ поезд-паровозой тогтоходо, Россиин ФСБ-гэй Үбэр Байгалай хизаараар погранична хүтэлбэриин дуу ба хатарай ансамблиин концерт-наадан, Шэтын түмэр харгын соёлой ордоной хүдэлмэрилэгшэдэй бэлдэһэн «ВнеВременье» гэһэн шоу-түлэблэл сугларагшадта дурадхагдаа. Хэмжээ ябуулгада хабаадаһан зон дайнай үеын сэрэгэй техникэ: артиллерийскэ, зенитнэ буу, «Катюша» сэрэгэй машина, «Полуторка» ашаанай унаа, «Т-34» танк г.м. һонирхожо хараа, дүрэ зурагуудаа буулгаа.
Үглөөдэрынь тосхоной ажаһуугшад, хүндэтэ айлшад, эдир армейцүүд Советскэ Союзай Баатарнууд: Александр Парадовичой, Базар Ринчиногой ба суута мэргэн буудагша Семён Номоконовой хүшөөдэ сэсэгүүдые табиһан байнад. Эдир үетэн Баатарнуудай дайнда харуулһан эрэлхэг зориг, габьяа тухай хөөрөө. Хэмжээ ябуулгада хабаадагшад баатарнуудай мүнхэ дурасхаалда зорюулжа, нэгэ минутын туршада дуугүй зогсоо. Тэрэ үдэр залуушуулай хабаадалгатай патриотическа акцинууд эмхидхэгдээ. Тодорхойлбол, «Улица Героев», «Георгиевская ленточка» акцинуудта зон олоор хабаадаһан байна. Залуушуул ниитэ газарнуудаар ажаһуугшадта георгиевско лентэнүүдые барюулаа.
Могойтынхид Майн 9-иие тэмдэглээ
- Информация о материале
- Автор: Эрдэни ЧИМИТДОРЖИЕВ.
- Категория: Ниигэм
- Просмотров: 244
