Дулдаргын 50 лет Октября гол гудамжада Эсэгэ ороноо хамгаалгын Агууехэ дайнай ветерануудта, ара талын ажалшадта, дайнай үеын хүүгэдтэ зорюулагдаһан «Память» хүшөө зогсодог. Энэ хүшөөгэй дэргэдэ үглөөнһөө хүлгөөтэй. Эсэгын дайнай дүүрэһээр 79 жэлэй баяр ёһололой «Вспомним поимённо!» гэһэн митинг үргэн дэлисэтэйгээр үнгэргэгдөө.
Хэмжээ ябуулгада Агын Буряадай тойрогой Захиргаанай толгойлогшын орлогшо Солбон Цыренов, «Дулдаргын аймаг» муниципальна аймагай захиргаанай толгойлогшо Аюша Мункуев, «Дулдарга» хүдөө һууринай захиргаанай толгойлогшо Владимир Чимит-Цыренов, «Дулдаргын аймаг» муниципальна аймагай зүблэлэй түрүүлэгшэ Батор Доржиев, Дулдарга һууринай ветерануудай зүблэлэй түрүүлэгшэ Цындыма Батомункуева, чечен дайнай ветеран, сэрэгэй тусхай үйлэ хэрэгтэ хабаадагша капитан Баир Галиндибаев, Дулдаргын 2-дохи дунда һургуулиин 10-дахи ангиин һурагша Дмитрий Дугаров гэгшэд Агуу Илалтын һайндэрөөр бүгэдэ зониие амаршалаа. Минутын туршада шэмээгүй байдал тогтоо. Хүшөөдэ нарһанай шэлбэһэнүүдэй гүрлөө болон Илалтын үдэрэй һүлдэ тэмдэг – улаахан үнгэтэй сэсэгүүд табигдаа. Удаань Эсэгын дайнда зорюулагдаһан дуунууд зэдэлээ ба хатар табигдаа.
Мүнхэ дурасхаалай үдэр
- Информация о материале
- Автор: Валентина ЦЫРЕНЖАПОВА.
- Категория: Ниигэм
- Просмотров: 276
