Августын 12-һоо 15 хүрэтэр Улаан Сүхэ нютагта шэмээшэгүүдэй фестиваль болоо.
Энэ ехэ нааданда сугларагшад эрдэмэй-дүршэл абалгын конференцидэ, «Манай уг баялиг» гэһэн мүрысөөндэ, зохёохы лабораторидо болон мастер-классуудта хабаадаа. Тиихэдэ уран урлалай бүтээлнүүдэй болон хүдөө ажахын үйлэдбэриин яармагууд эмхидхэгдэһэн байна гээд хизаарай Соёлой яаманай телеграмм-канал мэдээсэнэ.
Зүгөөр 80 метр утатай хибэс-дорожко болон 7 метрэй «Мойһоной онтохон» гэһэн пирог эгээл ехээр олоной һонирхол татаа. Эдэ зүйлнүүд фестивалиин хэмжээндэ үнгэргэгдэһэн «Үбэр Байгалай зохёохы рекорднуудай дэбтэр» гэһэн түлэблэл бэелүүлгын дүн байба. Наян метрэй хибэс Архан-гельское нютагай ажаһуугша Анна Сенотрусова гараараа нэхэжэ оёо, харин томо пирог олзын хэрэг эрхилэгшэ Любовь Лоскутникова болгоһон байна.
Шэмээшэгүүдэй заншалта VII фестиваль бүгэдэ сугларагшадай хоровод таталгаар түгэсөө.
Дарима БАЗАРОВА.
Үбэр Байгалай Соёлой яаманай телеграмм-каналай фото.
