Жэлһээ жэлдэ «Байгал» театр Сагаан һарада гоё концерт-наада олондо табижа, дуу хатараар буряад зоноо урмашуулдаг заншалтай. Мүнөө жэл буряад дуунуудай клипүүдые «Youtube» сайтда гаргаһан байна. Клип бүхэниинь Сагаалганай ёһо заншалда зорюулагдаһан: бурханаа дэлгээхэ, хэншүү табиха, хии мори хиидхүүлхэ г.м. Тус түлэблэлэй авторнууд хадаа «Байгал» театрай уран һайханай хүтэлбэрилэгшэ Жаргал Жалсанов ба хүгжэмэй хүтэлбэрилэгшэ Галмандах Баттулга.
