Ушарынь гэхэдэ, шэнэ жэлэй эхиндэ энэ колледждо Даши-Нима Дугаровай нэрэ олгогдоһон. «Манай колледждо Даши-Нима Дугаровичай нэрэ олгогдоһондо баяртайбди. Тэрэ сагта уран һайханай лицей байха үедэ       Даши-Нима Дугарович сэгнэшэгүй ехэ хубитаяа оруулһан. Энэ хүнэй үүсхэлээр лицей һуралсалай шэнэ шэглэлнүүдээр хүдэлдэг болоһон. Тиимэһээ суг хүдэлдэг ажалтадай шиидхэбэреэр, Даши-Нима Дугаровта бюст бодхоогоод, хажуугаарнь аллей байгуулха тогтоол абтагдаһан байна. Хүрэл бюст бүтээхын тула 1,7 сая түхэриг хэрэгтэй», - гээд «НьюМедиа групп» компаниин мэргэжэлтэдтэ колледжын захирал Наян Сагаев тэмдэглэһэн байна.
   Мүн мэдээжэ дуушад Чингис Раднаев, Бадма-Ханда Аюшеева, Тимур Болотов, Чимита Санжимитупова, Билигма Ринчинова гэгшэд туһалха аргаяа мэдүүлээ.
   Ага нютагһаа гарбалтай Даши-Нима Дугарович 1933 ондо түрэһэн. Буряад Уласай Уран зураашадай холбооной правлениин түрүүлэгшэ (1974-1990), Бүгэдэ буряадай үндэһэн соёлой зүблэлэй түрүүшын юрэнхылэгшэ (1991-2001) байһан.

You have no rights to post comments