Бэлигто Цынгуев хоёр алтан медаль шүүбэ: августын 28-да Тамирай зунай янзануудаар бүхэроссиин спартакиадада гүрэнэй эгээл шанга һуршадай хоорондо хубиин болон можын мүрысөөнүүд үнгэргэгдөө.

Бүхыдөө Оросой Холбоото Уласай 25 нютаг можо түлөөлһэн 106 хабаадагшад суглараа гээд, сенатор Баир Жамсуев телеграмм-хуудаһан дээрээ мэдээсэнэ.

Үбэр байгалайхид ниитэ можоороо түрүүшын һуури эзэлээ, Москва хоёрдохи, Буряад орон гурбадахи болоо.

Алтан медальнуудые манай бүһэтэйшүүлэй можо (Бэлигто Цынгуев, Галсан Базаржапов, Арсалан Балданов) болон хубиин мүрысөөндэ Бэлигто Цынгуев шүүгээ. Мүнгэн медальда хубиин мүрысөөндэ Валерия Мыльникова, хүрэл медальнуудта Галсан Базаржапов, тиихэдэ эхэнэрнүүдэй можо (Валерия Мыльникова, Туяна Будажапова, Виктория Намдакова), холимол можо  (Валерия Мыльникова ба Галсан Базаржапов) хүртөө.

Дарима БАЗАРОВА.

You have no rights to post comments