Гурбан нютагай эгээл эрхим эдиршүүл, эрэшүүл, ветеранууд хэдэн шэгнүүртэ хубааржа, хибэс дээрэ урда урдаһаа гаран барилдажа, ёһотойл һайндэр бэлэглээ. Можо бүхэндэ буряад арадай суута барилдаашад түрэл нютагайнгаа түлөө барилдаа бшуу. Жэшээнь, Александр Богомоев, Евгений Жербаев, Баяр Цыренов, Арсалан Будажапов ба бусад. Үбэр Байгалай хизаарай можо түлөөлһэн Агын Буряадай тойрогой бүхэшүүл нютагтаа эмхидхэгдэһэн түрүүшын мүрысөөнэй кубогта хүртэхын түлөө эрхимээр барилдахые оролдоо.
   Мүрысөөнэй дүнгөөр, хизаарай бүхэшүүл түрүү һуурида гаража, дамжуулгын кубогта, 300 мянган түхэригэй шанда хүртэжэ, нютагайхидаа хүхеэһэн байна. Эрхүүгэй можо хоёрдохи һуури эзэлжэ, 200 мянган түхэригэй шанда хүртөө. Буряад Уласай можо гурбадахи һуурида гаража, 100 мянган түхэригөөр урмашуулагдаа.
   Мүрысөө эмхидхэгшэд гурбан нютагай хоорондо нүхэд ёһоной харилсаа үргэдхэхэ, бэхижүүлхэ, нэгэдүүлхэ зорилготойгоор иимэ турнир байгуулаа. Хоёрдохи мүрысөөн 2027 ондо хүршэ Буряад Уласта үнгэргэгдэхэ юм. Удаань Эрхүүгэй можодо эмхидхэгдэхээр түсэблэгдэнэ.

You have no rights to post comments