Могойтын муниципальна тойрогой «Хила» хүдөө һууринай Хүндэлэн гэжэ газарта «Хатан эжы» комплекс оршодог. Тэндэ уужам һайхан талада сайбар һэеы гэрнүүд харагдана. Комплексын хойто хорёо баатарнуудые ба илдамхан шарайтай алан гоо хүүхэдые, табан хушуун мал болон алтан ганжартай дасан ба субаргануудые зураһан зурагуудаар гоёогдонхой. Эдэ бүгэдые Агын ба Монголой уран зураашад зураһан юм. 2025 ондо энэ үндэһэн комплекс «Путь воина» гэһэн уласхоорондын аяншалгын маршрудта оруулагдажа, Хитад гүрэнһөө айлшадые угтадаг болоһон байна.
   Могойтын муниципальна тойрогой захиргаанай толгойлогшо Болот Намжилов: «Энэ ехэ ажал хэжэ, иимэ һайхан булан түхеэрһэн Намжилма Цыренжаповнада баяраа мэдүүлнэб. Дэмжэлтэ үгэһэн Үбэр Байгалай хизаарай Засагай газарта, Агын Буряадай тойрогой Захиргаанда, Үбэр Байгалай хизаарай Экономическа хүгжэлтын яаманда баяр баясхалан хүргэнэб», - гэжэ фестивалиин нээлгын баяр ёһололдо тэмдэглээ.
   «Россиин арадуудай нэгэдэлэй жэлдэ энэ һайхан фестивалиин эмхидхэгдэһэндэ баяртайб. Элдэб яһатан агууехэ гүрэндэ ажаһуудаг, тэдэнэй нэгэн – өөрын заншалтай буряад угсаатан. Һайхан заншалаа гамнажа, буряад арадайнгаа үнэтэ алтан һургаалнуудые залуушуулдаа дамжуулдаг бүлэнэр Эхэ орондоо дуратай байһанаа мэдүүлнэ...» – гэжэ Баир Баясхаланович хэлээ.

You have no rights to post comments