Майн 21-дэ Шэтэ хотодо һургуулиин хүүгэдэй хоорондо үнгэргэгдэһэн «Будущее Забайкалья» гэһэн мүрысөөнэй дүнгүүд татагдаа. 14 аймагһаа һурагшадай 66 ажал дурадхагдаһан байна. 20 лауреадууд шалгаран гаража, Үбэр Байгалай хизаарай амбан захирагшын шанда хүртөө һэн. Тэдэнэй дундаһаа Агын 2-дохи дунда һургуулиин 10-дахи ангиин һурагша Александра Цыденовагай ажал илагшадай тоодо ороо.

   Дулдаргын аймагай түбэй номой сан июлиин 1-дэ 85 жэлэйнгээ ойн баяр тэмдэглээ. Энэ һайндэртэй дашарамдуулан, номой сангай түүхэ, ажал ба мүнөөнэй байдал тухайнь бэшэхэмнай.

   Ноябриин 22-то Россиин Баатар Эдуард Норполовой нэрэмжэтэ Агын 5-дахи дунда һургуулида «Память» гэһэн сэрэгэй-патриотическа музей нээлгын баяр ёһолол үнгэргэгдөө. 

   Хүндэтэ айлшан – сенатор Баир Жамсуев амаршалгын үгэ абахадаа, шэнэ һургуулида сэрэгэй музей дэмыдэ байгуулагданагүй гэжэ тэмдэглэһэн байна. «Тосхоной 5-дахи дунда һургуули баатар хүбүүнэй нэрэ зүүгээд ябана хадаа эдир үетэниие хүмүүжүүлгэдэ онсо анхаралаа хандуулжа, һуралсалаа ябуулха ёһотой. Гүрэн дотор тохёолдоод байһан бэлэгүй сагта дунда һургуулинуудта сэрэгэй талаар хүмүүжүүлгэ эдэбхижүүлхэ шухала. Залуушуул үнгэрһэн сагай сэрэгэй түүхэ ба мүнөө үеын байдал һайнаар мэдээд, ойлгоод ябаха ёһотой», - гэжэ Баир Баясхаланович хэлээ.
   Сенатор музейдэ Шпагинай суута автомат бэлэглээ. Мүн хизаарай амбан захирагша Александр Осиповой бэлэг дамжуулһан байна. Тиихэдэ сенатор түүхэтэ буунуудые: немецкэ автомат МП-40, Калашниковай автомат бэлэглээ. Ананда Дондоков Макаровай пистоледэй, Сокто Мажиев наганай македүүдые, 1941 оной дурамбай бэлэглэһэн байна. Удаань сенатор Баир Жамсуев, тойрогой Захиргаанай хүтэлбэрилэгшын уялга дүүргэгшэ Ананда Дондоков, һургуулиин захирал Гэрэлма Бадмаева, хизаарай Хуули тогтоолгын Суглаанай түрүүлэгшын нэгэдэхи орлогшо Сокто Мажиев ба бусад айлшад хүндэлэн татаатай улаан лентэ хайшалаа.
   Музей соо Эсэгэ ороноо хамгаалгын Агууехэ дайнда ба һүүлэй үеын дайн байлдаануудта зорюулагдаһан, мүн «Герои нашего времени» гэһэн гаршаг доро Россиин Баатар Эдуард Норполовой ба нютагай сэрэгшэ хүбүүдэй абажа ябаһан хэрэгсэлнүүдэй үзэсхэлэн табигдаатай. Эдуард Норполовой түрэлхид зула бадараагаа, хүбүүнэйнь баатаршалга, нэрэ мүнхэлхэ хэрэгтэ горитойхон хубита оруулһан зондо, тэрэ тоодо сенаторта, тойрогой Захиргаанда, һургуулиин хүтэлбэридэ баярые хүргөө.

   Эндэ һая Эдуард Норполовой нэрэмжэтэ 5-дахи дунда һургуулиин танхим соо «Народная программа «Единой России» гэһэн тойрогууд хоорондын тоосоото хуралдаан «Здоровое будущее» түсэлөөр эмхидхэгдээ. 

   «Онон… суровая и красивая река… Из глухих теснин Хэнтэйского хребта неспешно катит она свои воды, собирая большие и малые притоки горных речек Юго-Западного Забайкалья. Пополнившись студёными водами таёжных дебрей, величаво входит в российские пределы возле старинного Верхне-Ульхунского караула», - так начинается роман Игоря Пушкарёва «В песках Хайлара» (2022), героями которого являются реальные люди, жившие в 1900-е годы в Приононье. В этой статье, опираясь на документальные источники, мы хотели бы рассказать о судьбах ононских хамниган-казаков, тем самым внести скромную лепту в воссоздании непрерывности и преемственности истории родного края.