Июниин 9-дэ Шэтэ хотын «Высокогорье» гэhэн тамирай-элүүржүүлгын комплексдо хүнгэн атлетикээр А.Ф.Клемешевэй дурасхаалда зорюулагдаhан заншалта мүрысөөн үнгэргэгдөө. Энэ турнирта Дулдаргын 1-дэхи дунда hургуулиин hурагшад хабаадаhан байна. Һоригшонь тамирай багша Дансаран Очирович Дондупов болоно. 100 метрэй зайда Катерина Москалюк 13 секунда соо гүйжэ, түрүү hуури эзэлжэ, бүдүүн зоной 1-дэхи разряд дүүргэбэ бшуу.

 

Дансаран Дондуповай архивай фото-зураг.

Дулдаргын аймагай Балжана һууринай захиргаан Балжана нуурай эрье сэбэрлэхэ акци июниин 11-дэ эмхидхэһэн байна. Энэ сэбэрлэлгын акцида Балжанын ажаһуугшад, һургуулиинхид, хүүгэдэй сэсэрлигэйхид, Ара Элеэ һууринай ба Курорт Дарһанай эдэбхитэд, Дулдаргын 2-дохи дунда һургуулиин болон Дулдаргын аймагай захиргаанай ажалтад хабаадаа.

 

Нина Барабыкинагай фото.

В регионе продолжается реализация проекта «Финансовая поддержка семей при рождении детей», входящего в состав нацпроекта «Демография».
В связи с рождением первенца предусмотрена ежемесячная федеральная выплата до достижения ребёнком возраста трёх лет. Размер выплаты для граждан, обратившихся в 2021 году - 14199 рублей.
При назначении выплаты учитывается критерий нуждаемости - среднедушевой доход семьи не должен превышать величину двух прожиточных минимумов (27817,78 рубля).

 

Фото пресс-службы министерства труда и социальной защиты населения Забайкальского края.

2021 оной сентябриин 19-дэ – дуугаа үгэлгын ниитэ үдэртэ - Гүрэнэй Дүүмын 8-дахи зарлалай депутадуудай һунгалта үнгэргэхэ тухай указ Россиин Юрэнхылэгшэ Владимир Путин июниин 17-до гаргаа гээд Кремлиин пресс-албан мэдээсээ. Гүрэнэй Дүүмэдэ һунгалтатай зэргэ энэ үдэр 12 нютаг ороной толгойлогшонор болон 39 нютаг ороной хуули байгуулгын зургаануудай депутадууд һунгагдаха юм.

Хоёр хоноод, июниин 19-дэ Россиин Түб һунгуулиин комиссиин тогтоол гараһан байна. Тэрээн соо Гүрэнэй Дүүмэдэ депутадуудые һунгалтада болон сентябриин 19-дэ болохо бэшэшье һунгалтануудта дуугаа үгэлгэ гурбан үдэрэй туршада – сентябриин 17-һоо 19 болотор эмхидхэгдэхэ гэжэ тунхаглагдаба. Иимэ шиидхэбэридэнь гүрэн соохи санитарно-эпидемиологическа байдал, эрхэтэдэй энхэ элүүрэй аюулгүйе сахилга нүлөөлөө бшуу.
Тиимэһээ дуугаа үгэхэ нэмэлтэ арга боломжоёо хэрэглэжэ, тосхон һуурингуудһаа холо ажаһуудаг эрхэтэд сентябриин 17-до ба 18-да һунгаха аргатай байха.
Үбэр Байгалай хизаарай һунгуулиин комисси июниин 18-да политическэ намуудай түлөөлэгшэдтэй зүблөө үнгэргөө. Энэ зүблөөндэ хабаадагшадта Гүрэнэй Дүүмэдэ депутадуудые, хизаарай Хуули байгуулгын суглаанда нэгэ депутадые болон хэдэн муниципальна аймагай толгойлогшонорые ба депутадуудые һунгалтада ямар документнүүд бэлдэгдэхэ ёһотойб гэжэ тайлбарилагдаа.

Июниин 20-до  Москвагай можын Мокрое һуурин шадар Москва шадарай байлдаануудта 1941-1942 онуудта алдалан унаһан 136 совет сэрэгшэдэй шарил шэнээр хүдөөлүүлгын ёһолол болоо. Тэдэ сэрэгшэдэй тоодо Агын хүбүүн Рабданов Бата-Далай байгаа. Энэ ёһололдо сэрэгшын Москвада ажаһуудаг түрэлхид хабаадалсаһан байна.