Врачай уялга дүүргэжэ, халдабарита үбшэнэй һүжэрөөд байха үедэ бэеэ гамнангүй хүдэлһэн Ирина Дугарова 2020 оной октябриин 2-то 56-дахи наһандаа алтан дэлхэйтэеэ хахасаа һэн. Ажалайнь намтар Агын Буряадай тойрогой больницада үнгэрһэн. Эмшэн хүдэлһэн 27 жэл соогоо ходо түрүү зэргэдэ, эмнэлгын эгээ харюусалгатай газарта үбшэнтэдтэ туһаламжа үзүүлжэ ябаа.
«Ирина Дугарова хайхарамжатай, урин зантай, суг хүдэлдэг нүхэдтөө зүб шиидхэбэри олохыень туһалдаг врач байһан юм. Тэрэ үдэр һүнигүй, амаралтадашье байхадаа, хүндэ туһалха бэлэн байһан», - гэжэ нүхэдынь хэлэнэ.
Россиин Президент Владимир Путин зоной энхэ элүүртэ бэеэ сүм зорюулһан врач Ирина Дугаровае (ами наһа бараһан хойнонь) Пироговой орденоор шагнаха гэһэн зарлиг гаргаа. Шагнал түрэлхидтэнь барюулагдаха юм.
Нордоп БАБУЕВА.
