Россиин Буддын шажанай заншалта САНГХ-ын дасануудые түлөөлһэн тамиршад ногоон талмай дээрэ хаба шадалаа үзэлсөө, хурдан хүлэгүүдээр урилдаа, һурша номоор мэргэнээ элирүүлээ.
Түнхэнэй Хэрын дасанай шэрээтэ Балдан Базаров хамба ламанарай түрэһэн тоонто газарнуудые бараалхажа, холын аян зам гаталжа, нааданай үедэ Ивалгын стадион хүрэжэ ерээ. Хамба лама Дамба Аюшеев холын харгыда ябаһан санаартаниие угтан абажа, хадагаар золгоо.
Заншалта мүрысөөнэй дүнгүүдые согсолходо, Агын дасанай мэдээжэ бүхэ Цыбик Максаров 75 кг дээшэ шэгнүүртэ барилдажа, түрүүшын һуурида гараһан байна. Энэ шэгнүүртэ Зугаалайн дасанай Баясхалан Эрдынеев 4-дэхи һуури эзэлээ. Һур харбалгаар эхэнэрнүүдэй хоорондо Агын дасанай Арюна Молонова 2-дохи болоо.
Эрэшүүлэй хоорондо тойрогой һур харбаашад шалгараа.
(Үргэлжэлэлынь 7-дохи нюурта).
Э.ДОРЖИЕВ.
