Алтан шаргал уляаһанай
Алтарма набшаа һэжэтэрнь,
Сэгээн уһата Витимэй
Сэнхир долгёо иратарнь,
Агуу ороноо магтааша
Арадайм аялга зэдэлэг лэ!
Далан хараалта немецэй
Дорой ядуу болоторнь,
Гэнээртэ бузар японецой
Гэмдээ дарагдан хосорторнь,
Даран хадхан гарааша
Дайша жадам ялараг лэ!
Хадын хүмэг шулуунһаа
Харьялан аршаанай сасартарнь,
Хамаг арадай сэдьхэлһээ
Халуун баярай билтартарнь,
Хүрэжэ мандаа ерээшэ
Хүсэтэ Илалтамнай мандаг лэ!
Жамсо ТУМУНОВ.
