Сентябриин 20-до Цыбен Жамцараногой нэрэмжэтэ хизаарай номой сан соо «Самый лучший подарок: Стихи для детей» гэhэн РСФСР-эй соёлой габьята хүдэлмэришэ, Россиин Уран зохёолшодой, Сэтгүүлшэдэй холбоонуудай гэшүүн Борис Макаровай шүлэгүүдэй согсолборитой танилсуулга болоо.
«Забайкальская осень» уран зохёолой үнгэрhэн фестивалиин хэмжээндэ номтой танилсуулагдаа. Агаhаа гарбалтай буряад хэлэн дээрэ бэшэhэн поэдүүд ба тэдэнэй үри хүүгэд, аша зээнэр хабаадаа. Хүүгэдтэ зорюулhан ном соогоо Агын поэдүүдэй: Цыдып Жамбалов, Арсалан Жамбалон, Батожаргал Гармажапов, Дагба Ринчинов, Доржи Гомбоев, Бадма-Базар Намсарайн, Доржо-Ханда Цынгуева, Шуя-Ханда Базарсадаева, Хандажап Будаева, Цыбигмит Дамдинжапова, Дугарма Батоболотова гэгшэдэй шүлэгүүдые оршуулжа оруула. Шүлэгүүдэй согсолбори соо А.Цыденжапов, Е.Эпов Россиин Баатарнуудта, бүхэдэлхэйн мэдээжэ уарн барималша Д.Намдаковто зорюулhан, ондоошье сэдэбтэй өөрынь зохёоhон шүлэгүүд байна.
Амгалан ДАРЖАЕВ
