«Буряад үндэһэн янзануудаар Үбэр Байгалай хизаарай тамирай мастер» гэһэн нэрэ зэргэдэ, тодорхойлбол, һээр шаалгаар «Алтаргана-2018» уласхоорондын нааданай абарга, «Алтаргана-2020» нааданай абаргын мүрысөөндэ хүрэл, хубиин мүрысөөндэ мүнгэн медальнуудта хүртэһэн, мүн уласхоорондын, регион хоорондын ба тойрогой мүрысөөнүүдэй шангай һууринуудта гараһан Баяр Жаргаловта олгогдоо.
Мүн һээр шаалгаар «Алтан Мундарга-2023» гэһэн уласхоорондын мүрысөөнэй абарга Чингиз Батомункуев хизаарай тамирай мастер болобо бшуу.
«Буряад үндэһэн янзануудаар Үбэр Байгалай хизаарай тамирай мастер» гэһэн нэрэ зэргэдэ «Алтаргана-2018» уласхоорондын нааданай абарга, «Алтаргана-2020» нааданай мүнгэн медальда хүртэһэн, нютаг можонууд хоорондын ба тойрогой мүрысөөнүүдтэ шангай һууринуудта гараһан Батор Цыденжапов хүртөө.
Үбэр Байгалай хизаарай адаптивна ба үндэһэн тамирай янзануудаар олимпиин резервын тамирай һургуулиин захиралтаар, заншалта буряад шагай наадаар Чимит Дулмаева, Марина Цыренжапова, Цындыма Батомункуева гэгшэдтэ, һээр шаалгаар Шагдар Юндуновта «Тамирай мастерта кандидат» гэһэн үнэмшэлгэнүүд барюулагдаа.
Н.ЖАМБАЛОВА.
