Энэ акци январиин 10 болотор үнгэргэгдэхэ. Тойрогой, Үбэр Байгалай ажаһуугшад хүргэһэн бууза, мяха болон мяханай зүйлнүүдые суглуулгын пунктнуудта тушааха аргатай. Бүхы сугларһан эдеэ хоол январиин 10-ай һүүлээр эльгээгдэхэ юм.
«Акциимнай зорилго хадаа сэрэгэй тусхай үйлэ хэрэгтэ сэрэгэй, эрхэтэнэй уялга дүүргэжэ ябаһан нютагаархидтаа туһаламжа, дэмжэлтэ үзүүлгэ, гуламтын дулаа дамжуулга болоно. Тойрогой ажаһуугшад сэрэгшэдээ дэмжэжэ, үнэтэй техническэ хэрэгсэлнүүдые, дрон, унаа г.м. худалдан абалгадань туһалжал байна. Үбэр байгалайхид энэ акцида эдэбхитэйгээр хабаадаха байха гэжэ һананаб», - гэжэ Үбэр Байгалай хизаарай Засагай газарай түрүүлэгшын орлогшын – Агын Буряадай тойрогой Захиргаанай хүтэлбэрилэгшын уялга дүүргэгшэ Базар Дугаржапов хэлээ.
Нёдондо эмхидхэгдэһэн «Буузы в Сагаалган» гэһэн акцида тойрогойхид, үбэр байгалайхид хабаадаа һэн. Бүхы суглуулһан мяханай эдеэ хоол сэрэгшэдтэ дамжуулагдаһан. Тэдэ гэрһээ ерэһэн посылкануудые абажа, нүүдэл кухнидаа бууза, шүлэ шанажа, бэшэшье хоол амтархан, дуратайгаар эдиһэн юм. Энээн тухай видео-мэндэшэлгэнүүд соогоо мэдээсэһэн байдаг.
Суглуулгын пунктнууд аймагуудай захиргаануудай дэргэдэ эмхидхэгдэхэ.
Н.ЖАМБАЛОВА.
