«Коронавирус үбшэн һэргылхэ зүбшэлнүүдые баримталжа, энэ жэлэй үхибүүдэй амаралгын хаһа онсо эрхэ нүхэсэлдэ үнгэрхэ. Элүүржүүлгын лагерьнуудта бүхыдөө долоо мянга гаран хүүгэд амарха аргатай байна», - гэжэ тойрогой захиргаанай социальна хүгжэлтын таһагай дарга Розалия Балдоржиева мэдээсэбэ.
Үдэртөө байлгын, профильно шэглэлэй, ажалай ба амаралгын лагерьнуудшье хүдэлжэ эхилхэ. Зүгөөр коронавирусэй тахалай болоод байхада, үдэрэй лагерьнууд август һарада 21 лэ үдэрөөр хүдэлхэ гэжэ түсэблэгдэнэ.
Тойрогой дэбисхэр дээрэ 54 эмхидэ үхибүүдые элүүржүүлгын ажал эмхидхэгдэхэ юм.
Энэ жэл хүүгэдэй амаралга ба элүүржүүлгэдэ гаргашалагдаха мүнгэнэй хэмжээн ехэ байха гэжэ зүблөөн дээрэ тэмдэглэгдэбэ.
Тойрогой «Нарһан», «Дружба», «Наран», «Аршаан» лагерьнуудай бүхы халаанууд профильно байха. Шэглэл бүхэнөөр үхибүүдэй болон түрэлхидэйнь эрилтэдэ таарама программанууд зохеогдонхой гэжэ хэлэгдээ.
Мүнөө һууринһаа гадуур байдаг лагерьнуудта дэбисхэрэйнь санитарна сэбэрлэлгэ хэгдээ, бог нобшонь хаягдаа.
