Түүхэ уудалхада, тус һайндэр аяар холын 1918 ондо эхиеэ абаһан байна. Энэ үдэр хүдэлмэришэн-таряашанай Улаан Арми байгуулагдаһан. 1922 ондо ВЦИК-эй Президиумэй тогтоолоор, февралиин 23-ай һайндэр Улаан Армиин үдэр гэжэ нэрлэгдээ һэн. Эсэгэ ороноо хамгаалгын Агууехэ дайнда 1943 оной февралиин 23-да Улаан Арми Сталинград шадар дайсадые бута сохиһон түүхэтэй. Жэл үнгэрһэн хойно Днепр хото фашистнуудһаа сүлөөлэгдэһэн. 1946 ондо Дэлхэйн 2-дохи дайнай дүүрэхэдэ, һайндэр Совет армиин үдэр, 1949 онһоо 1992 он болотор Совет Армиин ба Уһан сэрэгэй флодой үдэр гэжэ болоһон. Россиин Юрэнхылэгшын зарлигаар 1992 оной майн 7-до РФ-гэй Зэбсэгтэ хүсэнүүд байгуулагдаа.
   Оршон сагта манай гүрэнэй шэнэ үеын сэрэгшэд дахяад бодожо байһан нацизмтай тэмсэжэ, сэрэгэй тусхай үйлэ хэрэгтэ хабаадажа, Эсэгэ ороноо хамгаалжа ябана. Манай нютагай сэрэгшэ хүбүүд баатаршалга, шэн зориг харуулжа, Агуу Илалта шэрээлсэнэ. Сэрэгэй тусхай үйлэ хэрэгтэ хабаадажа ябаhан, сэрэгэй уялгата алба хаахаяа бэлдэжэ байhан хүбүүдые, бүхы бүһэтэниие энэ hайндэрөөр хани халуунаар амаршалнабди! Гэр бүлэдэтнай аза жаргал хүсэнэбди. Эб найрамдал эгүүридэ мандаха болтогой!
   Эрдэни ЧИМИТДОРЖИЕВ.

You have no rights to post comments