«Бурхандаа ябашан алдаба»
Залуухан эжы хоёр хүүгэдтэеэ Агынгаа дасан ошохо һанаатай, такси дуудаба. Уданшьегүй захиһан унаань гэртэнь ерэжэ, тэдэнэр машинада һуубад.
Һууһан сагһаа хойшо байрагүйхэн Баира басаган эжыгээ мүшхэнэ.
- Эжы, бидэ хайшаа ошонобибди? – гэжэ һураба.
- Дасан ошожо, Сахюусанда нэрэеэ бэшүүлээд, гороо хээд ерэхэбди, - гэжэ эжынь зохидхоноор басагандаа харюусаба.
Ходо шашажа, шулаганажа ябаһан Баира бодолгото болон, нэгэ хэды дуугайхан байд гээд, жолоошондо хандаба.
- Таксист ахай, та бидэнтэй адли баһа бурхандаа ошохо юм гүт? – гэхэлээрнь, жолоошон:
- Үү татай, ямар бурхандаа гээбши, битнай үшөө залуулби даа, хүүгэдни баганууд, - гээд ехэл мэгдэнгеэр дүрбэтэй Баира басаганай асуудалда харюусаа бэлэй.
Оюна БАЗАРОВА.