Эрдэниин Сэдэн гээшэ айлай ехэ хүбүүн, нютаг нугадаа хүндэтэй, эрдэмтэй, үзэг бэшэг мэдэхэ зоной нэгэн байһан. Дамбын Должит баhал олон хүүгэдэй нэгэн hэн. Эрдэниин Сэдэн гээшэ ород хэлэндэ бэрхэ, тойроод ажаhууhан зонтоёо эбтэй, олон хани нүхэдтэй, бага сага аралжаа наймаа хэдэг хүн байhан. Сэдэнэй наhанай харгы замыень Согтын Эрдэни эсэгэнь зүб мүрѳѳр заажа үгэhэн. Ага найман эсэгын арад зоной дунда «Тура Хара» гэжэ алдаршаhан, хүндэтэй, ехэ бүхэ хүн байгаа.
Сэдэн Цыбенжаб хүбүүгээ багаhаань үзэг бэшэгтэ, ород хэлэндэ, эрдэм бэлигтэ hургажа, олоной дунда оруулhан. Урда-Агын Тудхалтын эхин шатын hургуули эрхимээр дүүргээд, Агын долоон жэлэй hургуули, саашадаа Агын багшанарай училищи түгэсхөө. Училищида hуража байхадаа, тон ехээр анхаралаа hуралсалдаа, сугтаа hуража ябаhан оюутадтаа хандуулдаг һэн. 1944 ондо сугтаа училищи дүүргэhэн түүхын эрдэмүүдэй кандидат Д.Ракшаев иигэжэ хѳѳрэhэн: «Цыбенжаб манай классай комсорг, ударидагша ябаhан. Маанадта орходоо саанаhаа журамтай, хэлэhэн үгэдѳѳ хүрэхэ, элдэб шэнэ, hонин үйлэ хэрэгүүдые эрхилдэг hэн». 1944 оной июлиин 1-дэ эрхим амжалтануудайнгаа түлөө Агын багшанарай училищиин захирал И.П.Ефанцевай, багшанарай Д.Г.Гомбоинай, Т.Г.Хамагановай, О.В.Морозовой, Х.Ж.Батоинай, К.Ф.Лопуховагай, А.С.Еврейскаягай гар табилгатай магтаалай грамотаар шагнагдаhан юм.
Балдарма БАТОГАЛСАНОВА, ажалай ветеран, Россиин Федерациин ниитэ hуралсалай хүндэтэ хүдэлмэрилэгшэ.

Комментарии
BBCode очень качественные обратные ссылки для вывода в ТОП
лучшие обратные ссылки для сайта
HTML_Code
https://linksbuilder.fun/ качественные обратные ссылки для продвижения
@=465768787980dd
RSS лента комментариев этой записи