Сентябриин 16-ай үдэр баяр ёһололой оршон байдалда Агын аймагай шэнэ маягаар зохёогдоһон номой сангай нээлгэ болоһон байна.

Сентябриин 17-до Могойто тосхондо «Молодёжный» гэһэн амаралгын парк баярай оршон байдалда нээгдэһэн байна. 

Намарай наратай дулаан үдэр парк ерэһэн хүнүүд таатай зохид түхеэрэлтэнүүдые һонирхон хараа: фонтан дээрэ дэгдэжэ байһан Рубигай кубик, үхибүүдэй наадаха талмай, фонарьнууд, тротуарна плиткэнүүд, хүнэй амарха һандалинууд гэхэ мэтэ нюдэнэй шэмэг болоо. «Бидэ сугтаабди» гэһэн «Единая Россия» намай түлэблэлэй хэмжээндэ дээрээ һарабшатай дүүжэнүүд тодхогдоо юм. Бүхы заһабарилгын ажалнуудые «Могойтын барилгын компани» (директорынь – Этигэл Балданов) эмхи шанартайгаар бүтээбэ.

Жалсан ЛУБСАНДАШИЕВ.

   Сэрэгтэ алба хаажа ябаһаар, баатарай үхэлөөр унаһан нютагай хүбүүдэй мүнхэ дурасхаалда зорюулагдаһан хэмжээ ябуулганууд сентябриин 24-дэ Ага тосхоной түб талмайда Баатарнуудай аллейһээ эхилээ.

   Тойрогой сэрэгэй комиссариадай урда тээхэнэ «Зарница» гэһэн талмайда локальна дайн байлдаануудта хабаадаһан сэрэгшэдтэ зорюулагдаһан хүшөө нээгдээ. 

   Агын тойрогто Буряад хэлэнэй фестиваль «Уг изагуураа дамжуулан» гэһэн гаршагтай зүжэглэмэл наадаар сентябриин 21-эй үдэр нээгдэбэ.