Украинада боложо байһан дайшалхы үйлэнүүдтэ эрэлхэг габьяа харуулһан лейтенант Балдан Цыдыповтэй «Буряад ТВ» теле-субаг видео-холбоогоор хөөрэлдөө. Баатар хүбүүмнай мүнөө Санкт-Петербургда Россиин сэрэгэй-эмнэлгын академидэ аргалуулжа байна.

Балдан Цыдыпов юһэн операци хүүлээд байна.

Эндэ һая тойрогой Захиргаанай хүтэлбэрилэгшэ Буянто Батомункуевай ударидалга доро барилгын ажалнуудаар зүблөөн үнгэргэгдэһэн байна. Зүблөөндэ подрядчигууд, барилгын объектнүүдые тушаажа абаха эмхинүүдэй түлөөлэгшэд (заказчики) хабаадалсаа.

Байгша ондо тойрогой дэбисхэр дээрэ 65 объект дээрэ барилгын хүдэлмэринүүд ябуулагдахаар түсэблэгдэнэ гэжэ хэлэгдээ. Барилгада гүрэнэй бюджедһээ 1 миллиард 200 сая гаран түхэриг һомологдохо юм.

Апрелиин 19-дэ дулаасуулгын хаһада зорюулагдаһан зүблөөн тойрогой Захиргаан соо үнгэргэгдөө.

Хахад һара тухай саг үнгэржэ, дулаасуулгын хаһа түгэсэхэнь. Энэ хаһын дүүрэхэдэ, котельнинүүдые заһабарилгын хүдэлмэринүүд эхилхэ юм.

Апрелиин 29-һөө майн 1 болотор Ага тосхоной "Баатар" элүүржүүлгын түб соо "ЭБ НАЙРАМДАЛАЙ КУБОК" гэһэн столой теннисээр уласхоорондын нээмэл 22-дохи мүрысөөн болоо.

Мүрысөөндэ Монголһоо, Буряадай Уласһаа болон Үбэр Байгалай хизаарһаа элдэб наһанай, бүхыдөө 150 гаран тамиршад бууһан байна. Тэдэнэй тоодо - Россиин спортын 10 мастер, Монголой спортын 5 мастер, арбаад мастерта кандидадууд. 

Б-Б.Намсараевай нэрэмжэтэ Агын аймагай номой сан соо Агын Буряадай автономито тойрогой соёлой габьяата хүдэлмэрилэгшэ Намсалма Доржипалановагай «Сэдьхэлэй нюуса» ба «А» үзэгhөө «Я» хүрэтэр –үреэлэйм дээжэ» гэhэн номуудтай танилсуулга болоо.