Х.Намсараевай нэрэмжэтэ Буряадай гүрэнэй драмын академическэ театрта бүхы наһаяа зорюулһан, олон пьесэнүүдые найруулжа, түүхын хуудаһанда сараа үлөөһэн, буряад арадтаа мэдээжэ болоһон драматург Батомунко Пурбуев мэндэ ябаһан һаа, майн 1-дэ 95 жэлэйнгээ ойн баяр тэмдэглэхэ байгаа. 

   Батомунко Пурбуевай намтар интернедтэ бэдэрхэдэ, бэе бэеһээ буулгаһан шэнги нэгэ адли мэдээнүүд байна. Тиимэһээ Улаан-Үдэ хотодо ажаһуудаг Батомунко Пурбуевай Оля басаганда хонходоходомнай, абынгаа намтар ба газетэдэ бэшэгдэһэн зураглалнуудые эльгээгээ. 

   Июниин 26-да Ага тосхоной «Бүргэд» тамирай байшан соо «Гордость Аги-2024» гэһэн һуралсалда, тамирта, уран һайханай болон ниитэ ажалда амжалта туйлаһан Агын Буряадай тойрогой дунда һургуулинуудые дүүргэгшэдэй эрхимэй эрхимүүдые баярай оршондо хүндэлэн ёһолоо.

   Тойрогой мэдээжэ фермер, олзын хэрэг эрхилэгшэ, огородой эдеэ хоол ургуулагша, ажалай ветеран Цыпылма Жамбалова хапууста, хартаабха ба бусад культурануудые таридаг гэжэ мэдээжэ. Һүүлэй арбан жэлэй туршада манай эндэ зоной хоморой ургуулдаг, ниитэдэ ехэ мэдэгдээгүй амарант гэжэ ургамал таридаг болонхой.

   1967 оной зунай hайхан саг... Энэ үедэ набша ногоон дэлгэрэнхэй, Агымнай тала дайда элдэб янзын сэсэгүүдээр бүрхѳѳгдэнхэй, ая гангын хангал үнэр агаарта тунан хангалтана. Ямаршье гоёб даа газар дэлхэй зунай элдин сагта! Алтан шара нарамнай элшээрээ тала дайдаяа халуунаар жэгнэнэ, энэ үедэ хони мал амтан ногоондо саданхай, аажам тэнюун аяг зангаар талын дунда хурган обоорнод.

   (Үргэлжэлэл. Эхиниинь 21-23-дахи дугаарнуудта).

ЗАРИМ ҮГЭНҮҮД ОЛОН УДХАТАЙ БАЙДАГ

   Үгэ гээшэ ямар нэгэн ойлгосо (понятие) тэмдэглэдэг. Үгын ойлгосо тэмдэглэһые удха (смысл, значение, суть) гэнэ. Нэгэ удхатай үгэнүүдые ганса удхатай (однозначные) үгэнүүд, харин хэдэн ондоо удхатай үгэнүүдые олон удхатай (многозначные) үгэнүүд гэдэг. Жэшээнь, ганса удхатай үгэнүүд: айлшан (гость), баабгай (медведь), үнеэн (корова), гутал (обувь) гэхэ мэтэ. Олон удхатай үгэнүүд: бариха 1) хватать руками, зубами, ловить – шоно хони бариба, загаһа бариха; 2) арестовывать задерживать – гэмтэниие бариха; 3) держать в руках, брать в руки – гартаа бариха; 4) держаться, сдерживать – бэеэ бариха, энеэдээ бариха; 5) принимать пищу – эдеэ бариха; 6) подносить – сай бариха; 7) подавать – мэдүүлгэ бариха; 8) строить – гэр бариха; 9) стряпать – хилээмэ бариха; 10) вправлять, например, вывих – яһа мүсэ бариха гэхэ мэтэ. Мүн жолоодохо (держать поводья, править лошадью; управлять, водить транспортным средством), барюул (рукоятка, черенок, дужка у ведра; ручка дверная, ручка от кастрюли), газар (почва, грунт; земля, мир; местность, территория; участок земли, площадь, угодье; место, пункт; пространство, дистанция, расстояние), шангарха (крепнуть, укрепляться – об организме; крепчать – о морозе; разыгрываться – о буре; усиливаться – о звуках; повышать тон) гэхэ мэтэ олон удхатай үгэнүүд баян буряад хэлэндэмнай олон юм.

   Дэлгэрэнгыгээр "Толон" һониной 25-дахи дугаарта уншагты.