Федерациин Зүблэлэй уласхоорондын хорооной түрүүлэгшын орлогшо, Үбэр Байгалай хизаарай гүрэнэй засагай түлөөлэгшэ Баир Жамсуев Федерациин Зүблэлэй түлөөлэгшэдэй бүридэлдэ Владивосток хотодо Зүүн зүгэй VII экономическа хуралдаанда хабаадаба.

Бүхэроссиин түрэл хэлэнэй ба литературын багшанарай конкурсдо Агын Буряадай тойрогой багша Дарима Балжирова Үбэр Байгалай хизаар түлөөлнэ юм.

Бүхэроссиин түрэл хэлэнэй ба литературын багшанарай конкурс гүрэндэмнай түрүүшынхеэ үнгэргэгдэнэ. Энэ хадаа Россиин Арадуудай соёлой уг залгамжалгын жэлдэ дашарамдуулагдан, түрэл хэлэнэй ба литературын багшанарые дэмжэхэ зорилготой юм.
Үбэр Байгалай хизаарһаа Агын 1-дэхи дунда һургуулиин эхин шатын ангинуудай, буряад хэлэнэй ба литературын багша Дарима Балжирова хабаадажа байна.
Сентябриин 11-һээ 18 болотор Ставрополиин хизаарта түрүүшын ба хоёрдохи шатанууд үнгэргэгдэхэ. Конкурсдо хабаадахаяа Россиин арадуудай түрэл хэлэнэй 70-аад багшанар мэдүүлгэнүүдые оруулаад байна.
Нордоп БАБУЕВА. 

Эндэ һаяхан Үбэр Байгалай хизаарай Хэрын аймагай Мордой һууринда дид хамба Дондукбаев Цырен ламхайн хүтэлбэри доро Yзөөнэй дасанай ламанар «Намжил Шодон» субарга рамнайлаа.
Энэ субарга Бэрсын дасанда зорюулагдаһан юм.

Цымжидма ДОЛГОРОВА.

Сентябриин эхиндэ Шандалиин Һонгиното хадын үбэртэ урдын һаарамба Золтын Хаймшаг ламада зорюулагдаһан «Шоймпрол Шодон» субаргын рамнайн үргэл боложо, хүн зон эдэбхитэйгээр хабаадаа.

Сентябриин 16-да адаптивна ба тамирай үндэhэн янзануудаар олимпиин резервын hургуулиин байшан соо Буряад хэлэнэй фестивалиин нээлгэ үнгэргэгдөө.

Арба гаран жэлэй түүхэтэй Буряад хэлэнэй фестиваль сентябриин 16-hаа октябриин 21 болотор үргэлжэлхэ юм.