- Баир Дабаевич, Буряад Уласта олзын хэрэг эрхилдэг ажал тушаа хөөрэжэ үгыт.
- Хари гүрэнэй «Норд Номадс» гэһэн компани орооһото зүйлнүүдые тээрмээр татажа, элдэб янзын талханай ба макароной зүйлнүүдые үйлэдбэрилдэг юм. Улаан-Үдэ хотодо тус компаниин түлөөлгэтэ эмхи бии. Би захиралаарнь ажалланаб. «Норд Номадс» компани Буряад Уласай «Бальжин-Импэкс» эмхитэй нүхэд ёһоной харилсаатай. «Бальжин-Импэкс» 23 жэлэй туршада дэлгүүртэ олзын хэрэг ябуулна. Тэрэ компани таряанай зүйлнүүдые хаанаһаа абахаб, хайшань худалдахаб, тушаахаб, хаанаһаа ажалтадые олохоб, ямар түхеэрэлтэнүүдээр хангахаб г.м. асуудалнуудые шиидхэдэг юм. «Норд Номадс» ба «Бальжин-Импэкс» компанинууд бэе бэеэ дэмжэн, ажалаа эбтэйгээр ябуулдаг.
Манай компаниин ажал хэрэгүүд гэхэдэ иимэ: Улаан-Үдэ хото шадар оршодог Хонхолой тосхон дээрэ баазамнай бии. Ажахыдамнай хэдэн тээрмэ, орооһо хадагалдаг газар (элеватор) г.м. түхеэрэлтэнүүд бии. Нэгэ һарын хугасаада 50 тонно орооһо таряа татажа, талхан болгоод, тэрэнээ холо ойгуур наймаалдаг гуримтайбди. Бидэ Буряад Уласай, Эрхүүгэй можын таряа ургуулдаг ажахынуудтай хэлсээ баталжа, таряа худалдажа абаад, иимэ ажал ябуулнабди. Манай эмхидэ 40 хүн ажаллана. Ганса Буряад Уласта бэшэ, ажаябуулгаяа үргэдхэхэ гэжэ хүршэ Үбэр Байгалай хизаарта үйлэдбэри нээхэ зорилго табиһан байнабди. Хизаарай Экономико хүгжөөлгын сайд Александр Бардалеевтэ энэ асуудалаар хандажа, зорилгоёо мэдүүлхэдэмнай дэмжээ. Тойрогой засаг зургаан манай хэрэгтэ туһа хүргэнэ.
- Агын тойрогто үйлэдбэрилдэг газар хаана нээхэеэ түсэблэнэбта?
- Могойто тосхондо үйлэдбэриин зонын дэбисхэр дээрэ нээхээр хараалнабди. Энэ зоно олон жэлдэ орхисооной байһан, олзын хэрэг ябуулха зүрхэтэй зон олдоногүй. Тэндэ байшан хүлһөөр эдлэхэ хэлсээ баталжа, байгша оной намар үйлэдбэриеэ ябуулха түсэб бии. Могойтодо «Агроэликс» гэһэн бүлгэм талха гаргадаг гэжэ мэдээжэ. Талха татадаг түхеэрэлтэнь бага хүсэтэй. Гансал аймагайнгаа ажаһуугшадые талхаар хангана. Харин манай компани хизаар, Буряад Улас, Эрхүүгэй можо хангаха зорилготой. Могойтын үйлэдбэри ябуулхын тула «Норд Номадс» компани 100 сая түхэриг оруулжа байна. Дээрэһээнь үшөө зээлеэр мүнгэ абахабди. Тэрэ мүнгөөр Хитадай Хэбэйскэ компаниин «Флау Машинари Групп» гэжэ нэрэтэй тээрмэ түхеэрэлтэнүүдтэйнь абтаха. Тэрэнь 27,6 сая түхэригтэ. Тиихэдэ 3 сая түхэригөөр макарон гаргадаг хэрэгсэлнүүдые абаха болонобди. Тэрэнэй хажуугаар бусад техникэ, байшан һэльбэн шэнэдхэлгэдэ, котельни заһабарилгада мүнгэн гаргашалагдаха бшуу.
- Шэнэ үйлэдбэридэ хэд хүдэлхэ юм?
- Могойто тосхондо ажаһуудаг 40 гаран хүн ажалтай болохо. Алтайн хизаарһаа 5-6 мэргэжэлтэд, гол түлэб, технологууд ерэжэ, түрүүшын үедэ хүдэлхэ юм. Тэдэ зониие ажалай бүхы оньһонуудтай танилсуулха, дүршэл олгуулха. Мэргэжэлтэд тээрмэ ба бусад түхеэрэлтэнүүдые ябуулха.
- Хитадай тээрмэнүүд хэр шанар һайтайб, техническэ арга боломжонь ямар бэ?
- Одоол һайн шанартай гэжэ хэлэхэ байнаб. Буряад Уласта ашаглагдадаг тээрмэнүүд һаатангүй, удаан сагта хүдэлжэ байна. Нэгэ жэлэй туршада 45 тонно элдэб янзын орооһото зүйлнүүдые татажа, талхан болгохо аргатай бшуу. Жэшээлхэдэ, жэлэй хугасаада 16 тонно шэниисэ болбосоруулжа, дээдэ ба нэгэдэхи сортын болон боро талха, 3,6 тонно һагшадаһа гаргадаг. Үшөө нэгэ хэрэгсэлынь нэгэ сагай туршада 150 кг, жэл соо 1296 тонно макарон гаргаха хүсэтэй гээшэ. Бүхыдөө жэл соо 11 мянган тонно талха гаргахаар түсэблэнэбди.
(Үргэлжэлэлынь 9-дэхи дугаарта уншахада болохо).
Эрдэни ЧИМИТДОРЖИЕВ.
Комментарии
Часть из наиболее общераспространенных технологий веб-маркетинга:
Оптимизация разведки клиентом (SEO) - это процесс веб-сайта подобным манером, чтобы он был лучше видан на офисе Google.
Контекстная экспресс-реклама (PPC) - этто форма рекламы, что в течение рекламодателе выплачивает за каждодневный клик числом евонный рекламе. Через слово используется на свойстве довода на пользу SEO.
Маркетинг сквозь электрическую почту (E-mail Marketing) - этто экспедиция маркетинговых отчетов по электрической почте или по почте чтобы посетителей
продвижение поисковое это
спб поисковое продвижение b2b8f01
p@11=777
RSS лента комментариев этой записи